Reporting System
إزاي تتـابع أرقامك كلها من مكـان واحد 
بسم الله الرحمن الرحيـم والصلاة والسلام على رسول الله
لو صاحب بيزنس أو ميديا باير او في أي Position محتاج انك تشوف منه ارقام كـل شغلك
فـ ده هيتطلب ان يكـون عنـدك Dashboard كـاملة فيها كـل Platform صـرفت كام وجابت كام أوردر
وكمـان لو عنـدك أكتر من SKU فـ انت محتاج تعـرف كـل SKU اتصرف عليه كـام وجاب كام أوردر وهـل أرقامه مناسبة انك تكـمل عليه ولا لأ
زمـان كان الموضوع ده أسهـل من دلوقتي شوية لأننا كنا بنطلع الأرقام من الـ Dashboard ومن Google Analytics ونـتابع كـل حاجة
لكـن كـل ما حجم الشـغل بيزيد كل ما بتحتاج حاجة Advanced اكتر تتابع منها
ويمـكن الأسهل بالنسبة ليا حتى الأن هي الـ Dashboard اللي بعملها على Data Studio
خليني أقولك سريعا ايه Data Studio وبـعدين ندخل نشوف احنا نقـدر نربط الداتا كلها في مكان واحد إزاي
Data Studio هو مكـان بيقدر يعملك data visualization بشـكل كـويس و Interactive
عن طـريق Charts – Tables وغيرها
وبتقـدر عن طـريقه كمـان انك تضيف Filters عشـان تطلع Data أنت محتاجها معينة جوا الـ Dashboards
تعـالى بقا نشوف انت ممكن تربط ايه بـ Data Studio
ممكن تربط الـ Facebook – TikTok – Snapchat – Twitter – Google Sheets – Google analytics – WooCommerce وغيرها من الـحاجات اللي ممكن تتربط وتظهرلك الـ Data بتاعتك في مكان واحد
أهم جـزء في الحته دي أنك تـعرف انت هتربط الحاجات دي إزاي
في حاجات بتتربط Direct عن طـريق بس انك تضيف الـ App بتاعها على Data Studio وحاجات تانية بتحتاج Connectors
وخليني أشرحلك جزئية الـ Connector ده بشـكل مبسط
هو عـبارة عن App بياخد صلاحيات على حسابك عشـان يقـدر يسحب الـ Data بشكـل جـداول
ويظهرهالك جوا الـ Dashboard بتاعتك عن طـريق Fields بتزودها في الـ Tables بتاعتك
انا خـدت وقـت طويل عشـان أوصل لـ Connector كـويس وسـعره مش مبالغ فيه وكمـان بيـعمل Refresh للـ Data لحظي
الـ Connector ده اسمه Windsor.ai وبرشحه بشـدة لأي حد محتاج يبني Dashboard مبسطة يتابع منها
طيب بعد ما تعـمل Connect للـ Data انت محتاج تبني الـ Dashboard بتاعتك
وهنا قـدامك حلين
أول حـل انك تشـوف Template جاهزة وتبدأ تـ Edit عليها عشـان توصل لأحسن شكـل مناسب ليك وللبيزنس بتاعك
وتاني حـل انك تبني حاجة من الصفـر
والحـلين قدامك ومتاحين لـكـن انا دايما بفضل اني اعـدل على الـ Dashboards لأنها بتوفر معايا وقت أكبر
Data Studio هتلاقي فيه Options كتـير أوي ممكـن تسهل عليك متابعتك لشـغلك وللبيزنس بتاعك ولو لسـة معندكش حاجة تتابع منها فـ ممكن تبدأ تتفـرج على فيديوهاته وتشوف هيقـدر يساعدك ازاي
الـحلو فيه كـمان انه بيسمحلك انك تحط معادلات وأكواد برمجية عشان تعمل معادلات معقدة بتاخد منك وقت لو هتعملها لوحدك
وأخيرًا وليس آخرًا
اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك 