ما وراء الصورة

لو بصيت على اللي في الصـورة ده هتلاقي فلوس كتير واوردرات وبالريال السعودي بس ده اللي قدامك بس تعالى نتفرج المـرة دي على اللي ورا الصورة

بسم الله الرحمن الرحيم وبه نستعين والصلاة والسلام على رسول الله

المرة دي هنتكلم عن سوق الخليج شوية ونشوف المشاكل او الحاجات اللي بنبص عليها قبل ما نبدأ في أي شغل وازاي الحاجات دي قدرنا نعدلها وتطلع نتايج أحسن الحمدلله

تعالى بقا نشوف احنا عملنا ايه في الجزء اللي ورا الصورة واللي ناس كتير مش بتبقا شايفاه

كـان لازم نبص على 4 او 5 عوامل قبل ما نبدأ أي شغل

1- الـ E-Commerce Cycle ومشاكلها

2- هنشتغل على اي Platform

3- الـ Campaign Objectives اللي هنشتغل بيها

4- تسعير المنتج مظبوط ولا لأ

5- الـ Stock ممكن يتوفر منه كل قد ايه

اولا : الـ E-Commerce Cycle

ودي اللي ظهر فيها مشاكل من أول ما بدأنا والمشاكل مكنتش قليلة ومخدتش وقت قليل في انها تتحل

كانت المشاكل عبارة عن الأتي :

1- نسبة التأكيدات مش كويسة

2- الأوردر بياخد وقت طويل عشان يوصل للعميل

3- الشغل كله COD ومفيش Payment Method

4- الـ Follow up مع العـميل وشركة الشحن

كل مشكلة من دول كان ليها سبب وكان ليها حل الحمدلله

1- نسبة التأكيدات اتحسنت عـملنا System للـ Calls مظبوط والأوردرات اتعملها أوقات تتأكد فيها مع الإعتبار ان في أوقات للدوام وفي أوقات تانية العـميل مش بيكون صـاحي فيها

وعدم أعتمادنا على الـ What’s app كـ مصدر اساسي للـ Confirmation خلانا على تواصل اكبر مع العميل في الـ Calls وبنعرف نـ Upsale كمان زي ما احنا عايزين وده طبعا أثر على الـ Cart Size

2- مشكلة ان الأوردر بياخد وقت عشان يروح للعميل دي كـان السبب فيها ان الأوردر بياخد وقت عشان يتأكد وكمان بياخد مشكلة الـشحن والتخزين دي كانت عاملة أزمة خصوصا ان الموضوع كان بيتم عن طريق Third part مش احنـا اللي بنعمل الحاجات بإيدينا

سرعة تأكيد الأوردر مع العميل وجزئية الـ Logistics دي لما اتهندلت مع الـ Third part وبدأنا ننقل كمان جزء منها عندنا واحدة واحدة

نسبة التسليمات بدأت تتحسن بشـكل كبير وبعد ما كانت أقل من 50% الحمدلله وصلت في وقت قصير لـ 56% وبدأنا نزيد بالنسبة دي كمـان واحدة واحدة ونحل باقي المشاكل اللي تحسنها

3- من أصعب التحديات اللي ممكن تواجهها هي انك تشتغل COD بس كـ حاجة اساسية للـ Payment في بلد الـ Customer Behavior فيها بيستعمل الـ Credit بشكل أكبر

وخليني أقولك بقا الأحسن من الـ Credit كمان هي الـ Apple pay ” وابقا ادعيلي ”

ف بدأنا ندخل في الجزء ده بشكل كبير بأننا نوفر أكتر من Payment Method جوا الـ Website بتاعنا والعميل يختار اللي يحبه ويسدد بيه

وده طبعا أثر بشكل كبير في الـتسليمات

4- لو فاكر انك هتروح بلد تانية فـ تلاقي سلوك شركات الشحن متغير ولا حاجة فـ احب أقولك انك لازم تلغي الفكرة دي من دماغك تماما

المشـاكل اللي بتشوفها في مصر في شركات الشحن هتقابلها برة عادي خصوصا لو الـشركة اصلا Multinational وكنت شغال في مصر معاها وروحت اتعاملت معاها برة برضوا

اكيد مش هتبقا نفس المشاكل بكل تفاصيلها لكن السيستم مش هيختلف كتير خصوصا لو شغال COD

طب تعالى أقولك المشاكل دي قدرنا نحل جزء منها ازاي

عملنا Shipping Team يتابع كل الأوردرات اللي بتطلع من المخازن عندنا وتروح شركة الشحن يوم ب يوم ومحاولات التسليم اللي بتتم عليها

وضيفنا عليهم تيم كمان بيتتابع مع العميل محاولات التسليم اللي حصلت معاه وهل في حد اتواصل معاه من شركة الشحن او لأ

بس خليني اقولك نقطة ايجابية في سلوك المستهلك هناك برضوا انهم بيحطوا العنوان كامل بكل تفصيلة فيه

يعني ” المنطقة – الشارع – رقم البنايه – البلوك – الشقة “

ف ده بيسهل كتير على شركة الشحن انها توصل للعميل ومترجعش الأوردر

ثانيا : شغال على اي Platform

هل تعلم عزيزي المستمع ان في ناس كتير بتصرف مصاريف مهولة في Platforms وممكن ميكونش بيجلهم منها Leads وساعات جودة الـ Leads اللي بتيجي دي مش بتكون أحسن حاجة

فـ كان أختيارنا للـ Platform اللي هنشغتل عليها عامل اساسي في ان البيزنس ده يقوم بشكل كبير جدا

وفي نفس الوقت احنا مينفعش نصحى الصبح نلاقي نفسنا شغالين على كـل الـ Platforms في الحياة

كـان لازم نحط Strategy واضحة لكــل بلاتفورم ونقدر نربط بينهم كمان بحيث تكـون كـل الـ Platforms ماشية مع بعضها وأكيد مش هننسى دور Google analytics في الموضوع ده

بدأنا نظبط 3 platforms ” تيك توك – سناب شات – فيس بوك وانستجرام “

مرحلة الـ Testing ادتنا Indicators بأي واحدة أفضل وكوست أقل وهي دي اللي بدأنا نحط فيها الـ Budget

قسمنا البادجت على الـ 3

وطلعنا بالأدز بتاعتنا على الـ 3 وهنا جه السؤال اللي بعد كدا

ثالثا : الـ Campaign Objective

بعد مرحلة الـ Test لقينا ان الـ Objectives اللي ممكن نشتغل عليها في الكـامبين ” Leads – Conversion “

كل Objective اتحطله Plan مختلفة عن التاني عشان نوصل في الأخر لأقل كوست واحسن Leads

وكــان التركيز الأكبر على الـ Conversion Campaigns كـ مصدر أساسي للـ Leads

في الـ Top Funnel الـ Creatives اللي كانت محطوطة كان انواعها مختلفة بس ركزنا أكتر على الـ ” How to use “

وده نوع من الـ Content موضحين فيه أكتر طريقة أستعمال المنتج

وفي الـ Bottom of Funnel ركزنا على الـ ” UGC – OFFERS “

ده طبعا خلى الـ CTR يزيد والـ CPC يقل

رابعا : تسعير المنتج

” خد بالك لو داخل سوق جديد ومش فاهم تسعير او مش عارف الأسعار ماشية ازاي في السوق هتخسر اللي وراك واللي قدامك “

عشان نقدر نحط إستراتيجية مظبوطة كان لازم نعرف الـ Gross Margin قد ايه ونحط على أساسه Max CPP نقدر نتحرك عليه

وعملنا Test على أكتر من نوع تسعير مختلف وحطينا Max CPP نقدر نسيكل بيه

التسعير اللي كان محطوط كان على أعتبار الـ Over head – Marketing Cost – Market Price

وزودنا في الـ Profit على قد ما قدرنا بحيث ناخد راحتنا لو حاجة ضربت مننا

خامسا واخيرا : الـ Stock

جزئية توفير الأستوك دي اللي كـانت أزمة بالنسبة لينا خصوصا ان المنتجات مش دايما موجودة في السوق والإستراد بياخد حوالي 20 – 40 يوم عشان يكون عندك المنتج في المخازن بتاعتك

فـ كان لازم يبقا محطوط Plan للـ Stock اللي موجود وعاملين حسابنا في الـ Scaling على عدد الأيام اللي هياخدها المنتج عشان يتوفر تاني وموفرين منتجات تانية نشتغل عليها ضمن الحاجات اللي بتطلع

كـل الحاجات اللي بصينا عليها دي كـانت في خلفية الشغل من غير ما ندخل في تفاصيل Ads او غيرها

تفاصيل الـ Ads ممكن نحطها في بوست تاني وأعرفكم اللي حصل من أول مرحلة الـ Test وحتى الـ Scaling والـ Cross Retargeting

عـايز اقولك ان لسا في تفاصيل كتير جدا جوا الـ Operation Cycle وازاي نسبة التسليمات وصلت ل مرحلة أعلى من الـ Kpi’s اللي كنا حاطينها الحمدلله

وفي تفاصيل أكتر جوا المـوقع والـ Server والـ Conversion Rate اتحسن أزاي والـ Product Page اللي اتعمل عليها تيست بأكتر من شكل

الخلاصة من الـ Post ده انك سواء بتعمل بيزنس او شغال لـ Client فـ انت بتبص على متغيرات كتير قبل ما تبدأ شغل من الأساس وتكون حاططلها Plan تمشي عليها و Kpi’s تتحرك على أساسها وتعمل التعديلات على الـ Plan بتاعتك

فـ متبصش بس على أرقام الـ Dashboard ولا تفتكرها العامل الأساسي في شغلك

في حاجات كتير في الخلفية انت مش بتكون واخد بالك منها وبتبقا ليها تأثير مباشر على الـ Business بتاعك

وأخيرا وليس اخرا

فـ البوست ده بناءا على التجربة ومش أكتر من كدا