الـ Ai مش جي ياخد مكانك بس جي ياخد مكـان البروطة
الـ Ai مش جي ياخد مكانك بس جي ياخد مكـان البروطة
دي Quote قالها مستر عبد الرحمن سليم في السيشـن الهدية الجميلة بتاعت الـ AI
بسم الله الرحمن الرحيم والصلاة والسلام على رسول الله
في البداية خلوني أقولكم ان ده ملخص سريع للسـيشن بتاعت مستر عبد الرحمن وأعذروني لو مذكرتش كـل حاجة بس انت لو عايز تـعرف تفاصيل أكتر ادخل اتفرج على السيشن عشان هتفيدك جدا جدا
اللي بدأت بالكلام عن انواع الـ Web المختلفة من ساعة ما اتعمل
Web 1.0 , 2.0 3.0
وعرفنا ان Web 1.0
هي شبكة الويب من سنة 91 لـ 2004
واللي كانت بتوفر محتوى ثابت وبتفاعل محدود وصفحات ويب بشـكل أساسي
و Web 2.0
هي شبكة الويب التفاعلية من 2004 حتى الأن
وهي اللي بتتيح للمستخدمين انهم يشاركوا المحتوى بتاعهم على المنصات المختلفة زي Meta,Youtube, etc..
اما Web3.0
فـ هي الطفـرة في عالم الـ Web واللي فيها تقنية الـ Block chain عشان تأمن البيانات والتعاملات
وفيها الواقع الأفتراضي والذكاء الأصطناعي اللي بنتكلم عنه في السـيشن دي
الجـزء اللي جي جزء تعريفي لـ شوية مصطلحات بيتلخبط فيها الناس اللي لسـا بتبدأ في المجـال
اول حاجة هي الـ Machine Learning و الـ AI
وأتكلمنا هنا على ان الـ AI هو الـ Umbrella اللي تحتها الـ Machine Learning
وان الـ Machine Learning بتنقسم لـ جزئين
Supervised Learning , Unsupervised Learning
والفـرق بينهم ان الـ Unsupervised بيدي مساحة أكبر للـ Machine انها تديلك تحليل للـداتا اللي داخلالها
اما الـ Supervised فـ هي مبتديش مساحة للـتحليل وبتظهرلك بس المدخلات اللي انت عاملها ومديهالها
من هنا دخلنا في جزئية الـ Deep Learning Model Type
وقولنا ان عندنا نوعين
اول حاجة الـ Discriminative Date
وده أخره انه يعرف البيانات من حيث المدخلات اللي دخلاله
اما الـ Generative وهو الـ Top معانا دلوقتي
وده بيقدر يـ Generate Data زي الأتي :
الـ Text , Image , Audio , Decisions
دي كدا المقدمة اللي محتاج تعـرفها بـ شوية المصطلحات اللي بنتلخبط فيهم
نـدخل بقا في الجزء الأهم
هو احنا بنستخدم الـ AI ليه ؟
– بيقلل أخطاء البشر
– بياخد الوظائف الخطرة
– متاح طول الوقت
– بيقوم بالمهام المكرره
– بيوفر وقت
– بيديك معلومات اسرع
واتكلمنا عن ان بلاد كتـير عايزة تخلي جزء كبير من الناتج المحلي معتمد على الزكاء الأصطناعي
زي السـعودية – الأمارات – مصر وغيرهم..
طيب ايه استخدامات الـ AI
احنا تقريبا ممكن نستخدم الـ AI في كـل حاجة
زي الـ Content, Designs, Mediabuying, Seo, Branding, HR وغيرها
طيب عشان نستخدمه في الحاجات دي لازم نعرف الـ Soft Skills بتاعت الـ AI
وأولها اننا نعـرف نستخدم حاجات زي Chat gpt, Gemini, Copilot, Meta Ai, Grok
وعـشان تستخدم دول أول مهارة محتاج تعرفها هي الـ Prompt Engineering
وهنا بيكـون عندنا كذا Prompt Framework ممكن نستخدمهم أهمهم
الـ RTF وده إختصار لـ Role, Task, Format
الـ TAG وده أختصار لـ Task, Action, Goal
الـ BAB وده أختصار لـ Before, After, Bridge
الـ CARE وده أختصار لـ Content, Action, Result, Example
الـ RISE وده اختصار لـ Role, Input, Steps, Expectation
الـ Frame Works دي انت بتستخدمها وانت بتكتب الـ Prompt بتاعك عشان توصل لأحسن نتيجة ممكـنه
خلينا ندي مثال لـ اول حاجة بحيث تبقا مفهومه لـو هنتكلم عن الـ RTF
فـ احنا هنقوله ” Act as Seo Manager, Make keyword plan for this website : www.lll.com based on the top search volume, please insert the answer in the table “
فـ انت هنا اديته الـ Role : هيـ Act as a seo manager
الـ Task : هيـ Make keyword plan
الـ Format : هيـ Insert answer in table
وتبدأ تكـمل الحـوار معاه وتضيق عليه الـكلام على قد ما تقـدر عشان يديلك احسن نتيجة
وفي هـدية اتقالت في السـيشن 2500 Prompt متقسمة ل مجالات مختلفة بأشكال كويسة اوي
هسيبهالكم في الـ Comments لو حد محتاجها
طيب لو انا بعمل بيزنس بقا تعالوا نعمل Breakdown للحاجات اللي هحتاجها وممكن انفذها ازاي
1- Business Analysis وهنا ممكن موقع Alpha Sense بيدينا مؤشرات عن الـ Industry اللي احنا عايزين ندخلها
2- Business IDEA وهنا ممكن نستخدم Chat gpt
3- Business Name وبرضوا هنا ممكن نستخدم Chat gpt
4- Logo and Brand kit هنا هنستخدم ” Namelix “
5- Website With no code وهنا هنستخدم ” Durable.co “
6- Content Creation ” في مواقع زي Araby.ai – Write Sonic
ولـو عايز تـ Generate Photos and Videos في مواقع زي ” Remix – Leonardo.ai “
7- Ads في موقع زي Cequens
8- Automation وهنا ممكن نستخدم Zapiar
لازم تبقا فاهم انك عشان تعمل Automation لازم تحدد Workflow هتمشي عليها
كـ مثال :
الكلاينت هيدخل الويب سايت – هيسجل الفورم – التسجيل ده هيروح على CRM او Google Sheet بعد كدا يدخل الـ Automation بـ برنامج زي Zapiar وتقوله لما يجيلك الداتا بتاعت العمـيل ابعتله Email مثلا فيه الـ Meeting Link
لو محدد الـ Workflow دي الـ Automation هيكون اسهل بكتير
أخر حاجة كانت الوظايف اللي هتبقا ظاهرة بقوة في 2024
وزي ما قولنا في بداية البوست
الـ Ai مش جي ياخد مكانك بس جي ياخد مكـان البروطة
فـ انت لو مطورتش نفسك طول الوقت وعرفت كل الأبديتس هو هياخد مكانك
وأخر حاجة كـانت موقع AI Tree واللي فيه مواقع كـتير اوي للـ Ai ممكن تحتاجها لـ شغلك
وبس كدا
اتمنى يكـون التلخيص عجبكم ولو محتاجين تسألوا في أدخلوا اسألوا مستر عبد الرحمن متسألونيش عشان انا مش هعرف اجاوبكم في التوبيك ده 
وأخيرًا وليس آخرًا
اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك 